دوسرے شہروں سے چاند کی خبر معلوم کرنا

مثلا ملتان میں چاند نظر نہیں آیا تو کیا ملتان والوں کے لیے ضروری ہے کہ وہ دوسرے شہروں لاہور وغیرہ سے معلوم کریں کہ وہاں چاند نظر آیا یا نہیں؟ ظاہر یہ ہے کہ ایسا کرنا واجب نہیں ہے۔ اس کی دلیل یہ ہے کہ حضور صلی اللہ علیہ وسلم اور صحابہ کرام کے زمانے میں کوئی ایسا اہتمام نہیں تھا کہ دوسری بستیوں سے چاند کی خبر معلوم کرتے۔ ایسا نہیں کہ اس وقت ذرائع موجود نہ تھے۔ اس زمانے کے لحاظ سے ذرائع موجود تھے اور اپنے طور پر صحابہ کرام رضی اللہ عہنم اگر خبر معلوم کرنا چاہتے تو کرسکتے تھے۔ اس سلسلے میں مفصل فتوی ملاحظہ کیجئے